Kufunguliwa Kwa Dirisha la Usajili 2023/24

Chama Cha Mpira wa Wavu Tanzania – TAVA kinawataarifu wadau wote kuwa Dirisha la usajili kwa msimu wa mashindano kwa mwaka 2023/24 unafunguliwa tarehe 13/11/2023 saa moja asubuhi. Mfumo huu wa usajili utakuwa wazi kwa siku thelathini (30) hadi tarehe 12/12/2023 saa sita usiku. Sambamba na kufunguliwa dirisha la usajili, kumefanyika maboresho ya Kanuni za Usajili za Mwaka 2022 Toleo la Mwezi Februari ili kukidhi mahitaji ya wakati. Viongozi na wadau wote wanaelekezwa kuzisoma nakuzielewa kanuni hizo kabla ya kufanya usajili. Mfumo wa usajili utakuwa na mambo yafuatayo;

1. Mfumo huu wa usajili utafanyika kwenye tovuti ya TAVA kupitia linki (anuani) maalumu
2. Taarifa zote za usajili wa msimu uliomalizika 2022/23 zimefutwa.
3. Mfumo wa usajili utahusisha Klabu, Kocha, Wachezaji, Waamuzi, Taasisi binafsi (Foundation/Academy), na Shule za kukuza vipaji/ Vitalu au Vituo.
4. Mfumo wa usajili utakuwa na mipaka ya matumizi kulingana na wahusika;

Kamati kuu ya TAVA inawaomba wenyeviti wa mikoa kuhakikisha taarifa hizi zinawafikia viongozi wote wa Vilabu, Makocha na Waamuzi na kuratibu ama kufuatilia utekelezaji wake ikiwa ni pamoja nakuwasainia viongozi wa vilabu na taasisi barua za utambulisho ili kukamilisha zoezi hili kwa wakati. Hakutakuwa na Klabu, Taasisi, Kitalu wala muhusika yoyote atakayesajiliwa pasipokuwapo na ufahamuwa uongozi wa Mkoa. Kwa changamoto zozote za kimfumo wasiliana na namba zifuatazo: 0764837005 au 0762550211.

Bonyeza anuani ya usajili ya TAVA kuingia kwenye mfumo - https://register.tvf.or.tz/